تجربتي مع الجنس اللطيف و ارتباطها الوثيق بالمنسف/ج2

فتحت باب الحيط و لقيت اخواني السبعة نايمين كل و احد على جمبية و تحت راسه مخدة ساتان لون أزرق, زتيت فرشتي الصوف جمب حاووز المي الشميمتو و قظبت مخدة أخوي من تحت راسه, و حطيتها فوق الفرشة, و تمددت على ظهري, لديت عالسما و بديت أفكر في الخسة, كيف شكلها؟ يا ترى محنية ايديها و لا لأ؟ يا ترى أبوها عسكري متقاعد مثل حالاتي؟ طيب لويش أنا يعني من دون هالعالم؟ خايف يكون واحد من هالشباب بتخوث و ناوي يترصدلي و يساوي فيي مقلب, معقول تكون بنت من بنات المدرسة بالحارة و معجبة ببكمي الديانا؟ و فجأة لقيت حالي بدندن أغنية مرعية يالبنت مرعية... مرعية ولا بلا راعي, و انو أخوي فليح الشرير قايم على صوتي..توه توه توه توه بدنا انام ولكنام, منو قاظبك؟أنام, هو انت خليت بيها نوم, وشو مالك بتجعر تالي الليل؟ مرعية قال؟ بتحب يا أبو خنانه؟آه بحبما شاء الله؟ و منو بتحب؟بحبك انت ياخويطيب اختصر اختصر.البين يطسك.... نام هسه قبل لأقوملك و الله قلبت على الجهة الثانية و بدي أنام, و انو أخوي الزغير بدق بيي من ورابتحبها يا خوي؟ها, مني؟اللي ماخظه عقلك؟ و لو يا أبو المناسف؟ بتفكرني مش داري يعني؟آخ بس ياخوي, اللي بدري بدري و اللي ما بدري بيقول كف عدسطب لويش ما تتجوزها ياخوي؟أني عارف ياخوي, اللي ايده بالنار مش مثل اللي ايده بالمخيظطيب جعان ياخوي أسخنلك تتعشى؟لأ والله ما جاي على بالي الأكل. نفسي مسدوده من زمان ياخوي..طيب روح عالتكتور ياخويرحت و الله أول مبارحوشو قالك؟ولا شي, أنطاني فاتح شهيةو بعين ياخوي؟ فتحت شهيتك؟لألويش؟والله ياخوي صرت آخظ فاتح الشهية و أشبع منهالله يعينك ياخوي,طب أقوم أساويلك شاي ياخوي؟أخخخخخخخخ بشششششششششأخخخخخخخخ بشششششششششششخخخخخ طررررررررررررررررررأززززززززززززززززززززززززززززززززاززززززززززززززززززززززززززززززززيا ساتر... يا ساترو شو هاظا الصوت؟أنو صوت ياخوي؟صوت ال اززززززززززززززززززززآه, هاظ جارنا أبو مرعي بلف الساتليت عالقنوات الأجنبية, الله وكيلك طول نهاره نايم, و بقعد تالي الليل يتفرج عالساتليت, و بقولوا كمان انو ... استغفر الله العظيم... بلد على سواليف طرمة كمان.أستغفر الله العظيم, الله يعين كل واحد على مصيبته ياخوي.. الله يكفينا شرهولكوا بدنا انااااااااااااااااام, هسه أجتكوا السواليف؟ (أخوي فليح)نام نام ياخوي قبل لا يقوملنا هاظ الدب و يخبط على بطوناأخخخخخخخخخخخخخخ بششششششششششتأخخخخخخخخخخخخخخخ بشششششششششششتنمتلي يومها ساعتين ثلاث و صحيت الصبح كالعادة على صوتويييييييييويييييييواء واء واء واء واء واء واءبيب بيب بيب بيب بيبطاط طاط طاط طاطأخو الشلن هاظ ايمتى بدوا يحل عن البكم؟ من يوم ما ركبنا عليه سنتر لوك و جهاز انذار و هو كل يوم و هو طالع عالمدرسة بظرب البكم برجله علشان يصحي الحارة كلها.(طبعاً المقصود ب أخو الشلن ابن جيراننا حموده اللي بالصف الرابع الابتدائي)نزلت عن ظهر الحيط, و دخلت حوش الدار و انها أمي قايمة بدها تغسل من الفجر.يا موستنج!!!نعم يمه؟روح خوظ من فوق راس أبوك عشرين قرش و جيبلنا من عند أبو فلاح شوية صابونة برش و شوية نيلة بدي أغسل.لويش بدك تغسلي؟ ما انتي غسلتي الشهر الماظيوشو أساويلكوا يعني انتوا و أبوكوا, طول نهاركوا توسخوا ماعينكوا و تزتزوا هان و هان, و اشلحلي هالدشداش خلني أغسلها كمانلدي.. مبارح جبت معاي بوكيت سرف و صابونة غار من الدكان, كنت ناوي أتحمم بيهن, بس اذا بدك تغسلي, استعمليهن, مش مشكلة.الله يوفقك يا موستنج ي ابني و يرزقك بنت الحلالالله يسمع من ثمك يمه, صدقيني لو معاي شوية مساري كان اشتريتلك غسالة أوتوماتيك بدل ما تظلك تغسلي بلجن, و تبحي و تقعدي يوم كامل حايسةغسالة أكو ماكييك؟ وشي هي هاي؟هاي يمه صندوق بتحطي بيه الغسيلات قبل ما تنامي, بتفيقي الصبح ولا الغسيل مغسول, و مبحوح و ناشف و مطوي بس مش تساوي مثل جيرانا دار بني هاني!! هاي يمه بنحط بيها كل لون لحاله.مين دار بني هاني؟بني هاني يمه, اللي ساكنين في أول الزقة و عندهم بكم هايلوكس خمس شناكل.ما عرفتهمشدار بني هاني يمه اللي كانوا يغسلوا الأحمر مع الأبيظ و صاروا كل فلينات ولادهم زهرمش متذكرة يمه, الكبر عبرطيب متذكرة لما كنا زغار, ظل في ولد اسمه صلاح سنانه مخلعات دايمن معاه كيلة سمنة الغزال بسوق بيهاو بقول أنا أثثد.....أنا أثثدأويه أيوه تذكرت... دار بني هاني, شو صار بيه صحيح ابنهم هاظ؟والله يمه كل خبري بيه راح على مؤتة العسكري, بس هظاك اليوم و انو بتصل بيي و بقول أني بميركا, وديلي شوية بطيخ و تنكة جبنة مالحة و قطرميز زيتون, قمت وديتله اللي بيه النصيبالله يكثر خيرك يمه, بالله اذا أجى من ماركا خنعزمه هظول بني هاني ثلث ترباعهم خوالكواان شاء الله يمه ان شاللهتركت أمي و قلت خليني أروح أعشق بكم أبو متعب و بعدين أرجع و أتحمم و أحلق و أطلع