وصلت باب الدار و بدي أطلع و انو أبوي بينادييا موستنج يا موستنج ... يا ملعون أبو اللي نفظك, و لك ما تردنعم يابا..نعمولك وينك؟هريني هان يابا, أشدك؟أميت بتروّح اليوم؟ها, بدريش والله عندي محاظرة طويلة كثير اليوممحاظرة ايش ولك؟ مش انت دوامك اثنين و أربعا بالجامعه؟ ماليوم الخميس وشو رايح تساوي؟ها. آه آه بس الدكتور قال لينا لازم تيجوا اليوم و تجيبوا معاكوا أكل ليومين و تلبسوا أحلي ماعين عندكوا و تحطوا كالونيا بعدلويش؟ انت رايح تقرى ولا تشوف عروس؟ها,اهههه منو عروس كيف ؟ اسمع معكيش شويه مصاري؟ يعني أبو نيرتين!مصاري ... مصاري.. ولكوا انتو بتعرفوش الشبع؟ ولك لسه من أسبوع جايبينلكوا كرتونه بيظ. و بعدين وشو بدك بالنيرتين؟ و قظبني من دشداشتي مرة ثانيةراجع تدخن هيشة ولك؟ يا ملعون أبو اللي ظابك.له يابا الله يسامحك هاي ريحة حريقة برة بالحارة, شكله الزبال بحرق الزبالة بدل ما يوخذها عشان يريح حالهآه, طيب , لد يابا, اليوم بدنا نروح نوخذ بخاظر أبو صقر أنا وياك و أخوك فليح , الزلمه تزحلق بصابونه و انكسرت رجله, خلينا نوخظله طبقين بيظ أو تنكه سمنه و نروح نطل عليه.ها, أنا بروحش مع فليح أي مكان, هاظ ابنك طول نهاره حاط دقرييا ملعون أبوك على أبوه, ولكوا الحق مش عليكوا, الحق عليي أنا اللي ظابكوا, لازم وديتكوا ميكانيكية يا حمير أحسلكوا من قراية الكتب, شايفة يا أم فليح خلفتك شايفةتربايتك هظول, قال خلفتي قالتربايتي, والله لألعن صباح أبوهم الجوز اذا أنا بربي هيك, هظول يختي مخولين, طالعين لاخوانك الهمللا تجيب سيرة اخواني على لسانك ها ترى بتندمبس يابا استهدي بالله الدنيا الصبح, و انتي كمان يمه قولي يا هادي و تعوذي من الشيطان. خلص بنروح على أبو سخام, برجع عالأربعة اليوم, و بنطلع بس أرجع طيب؟طيببدكيش تنطيني نيرتين؟ولك تعال جاي أنا صارلي أسبوعين متحمظلك على كتلةو قام أبوي يلحق وراي رافع ثوبه و عاظّه بثمه, و بايده اليمين الزنوبه, و أنا بركظ حوالين الدار و أمي بتركظ ورانا بدها تفزعهه هه هه , ولك صار لي ثلث سنين بصرف على جامعتك هه هه , و قال بدي كتب يابا, ه ه تعال, غير مصروف أكلك و شربك بالدارهه هه, بيكفي مصاري المكرمة بتصرفهن على حالك لحالك, هه هه والله يابا بحط فيهن ديزل للديانا و بعطي الباقي لأميطيب ماشي, بقظبك, ما بيقع بالدبس غير الذبانتعب أبوي من الركظ و قرر انه يكبت مشاعره الغاضبة نحوي و يقظبني في مناسبة أخرىطلعت من باب الحوش عالبكم علشان أعشقه, و انو أبو متعب فاتح تنك الديزل و مادد فيه بربيش و قايم يشفط ديزلشو يا أبو متعب؟ وشو بتساوي؟بخخخخخخخخخخخخ, شردقتني يا زلمة , احححح, بشفط شوية ديزل لصوبة البواري .. ححححهالدنيا صيف يا أبو متعب, و اليوم شوب زياده عن باقي الأيام و انت بتشفط ديزل لصوبة البواري؟ مين اللوح اللي بيشغل صوبة اليوم؟ها, لا لا يا زلمة أنا ما بشغل الصوبة علشان البردوله لعاد لويش؟ ولا بدكيش تخليلي ديزل بالبكم علشان يقطعني بنص الطريقها, اسمع لا تغلط, أنا بشغل الصوبه علشان أقحمش خبزتقحمش خبز, طب يالله خذ ديزلاتك, و خليني أعشق.راح أبو متعب و هو حامل على ظهره ديزلاته و كرشه بيرطرط قدامهالله يلعن أبو جميلتك يا أبو متعب النذل؟ ان شالله تتسمم من الديزل اللي بلعتهالمهم شو بدكوا بطول السيره, ركبت جوه البكم, و شغلت السويتش, و حطيت ثاني و نزلت الهاند بريك على أساس بدي أعشق, بس ما رظيش البكب يدحللا اله الا الله, المشكله انه وصاني أبو متعب النذل من هالسولافه و قال لي حط البكم عالنزله, كيف راحت عن بالي؟فكرت شوي, و بعدين لاقيت انه أحسن حل أشحن البكم من بطارية الديانا, لديت عالديانا و انها مش في مكانهاأكيد ماخذها فليح أبو كرش و رايح يجيب فطورطبعاً أخوي فليح كان في يوم من الأيام زعيم الحارة و مسيطر على جميع الأوظاع و كل زعران الحارة تحسبله ألف حساب, و كان كمان أشطر لعيب جلول على مستوى المحافظة حتى صار عنده آخر اشي تنكة سمنه مليانه جلول بدون ما يشتري ولا جل, كله ربح من ولاد الحارة, و كان كويس معانا, بس راح يدرس بالجامعه حقوق, خلص قبل سنتين و ما لقى شغل, قام توظف في البيت وصار يشتغل بالكل, و يداقرنا كلنا عالطالعة و النازلة.بعد دقيقتين و انو فليح جاي بالديانا طاير طيران, صفها و نزل, حامل بايده اليمين معلاق خروف و بالشمال رافع ثوبه و ماشي.ولك وين باقي؟رحت عالملحمه أجيب معلاق, جعان بدي أوكلولك انت تخصص أكل و بس؟ مش ملاقيلك سولافه غير الأكل؟يا زلمه مالك؟ هو أنا ماكل على حسابك واك؟اسمع, اتركنا من سواليف الحصيده تبعتك, جيب الديانا جاي خلينا نشحن منها البكمما أنا بشتغل عند اللي نفظك؟ قال جيب الديانا قالفليح... بنطيك بطيخهها.. طيب وين بطاريه البكم؟ يمين ولا شمال؟يمين يمين, جيب الدياناالمهم, شو بدكوا بطوله السيره, جاب فليح الديانا و صفها جنب البكم, حطينا الاشتراك عالبطارياتادعس ديزل واكها هي دعسناضربت سلف, أول مره, ثاني مره و انو البكم اشتغل.خلص شيل الديانا.. روح ..روحطلّع فليح الديانا, تشك تشك تشك تشك تشك.....تشششششششششطفى البكمواك موستنج؟ شو فيه؟أنا داري؟ شكله خلص الديزل
Subscribe to:
Post Comments (Atom)
No comments:
Post a Comment