اذا هيك حالتك في الغربة ارجع أحسلك

السلام عليكم اخواني الشبابحابب أحكيلكم كلمتين بس قبل هيك بدي انوّه اني ما بقصد فيهم اي حدا و لا بتعمد الاساءه لأي شخص و لا انا محسوب ع حدا و لا حدا محسوب علي, بس بحكي ما يمليه عليّ ضميري و أخلاقي

مبارح, مر علي شب صاحبي, بشتغل في دبي من 3 سنين, طلعت أنا و ياه و لاقينا شباب برضو صحابه بشتغلوا معها في دبي كمانما راح أفوت بتفاصيل اضافيه بس الفكره اللي حابب اطرحها هي كالتالي اذا الغربة مش موفيّه معاك و معاشك مش مكفيك... لا والله ارجع أحسنلك اذا بتشتغل طول النهار و بعدين بتروح تسهر في الرقال و غيره تالي الليل... لا والله ارجع أحسنلك اذا بتضلك طوول النهار قاعد عالكرسي و ما بتتحرك و بالليل بتروح ترقص و تشرب في الديسكوهات... لا والله ارجع أحسنلك اذا بتتعب و بتشقى في المصاري و بعدين بتروح تضّيع تعبك عالروسيات و الاذربيجانيات و الأوكرانيات... لا والله ارجع أحسنلك اذا بتتحمل جميله فلان و علنتان و بتساير مين ما كان عشان لقمه العيش و بعدين بتروح بتضيعه كله و انت رايح جاي عالجميره بيتش... لا والله ارجع أحسنلك اذا ناوي تضيّع حالك و بتمشي بسرعة 200 كم/س و بتوخد معك من أبوظبي ل دبي ساعه و ربع... لا والله ارجع أحسنلك اذا بطلت تفرق بين آذان العشاء و موسيقى النايت كلبّات... لا والله ارجع أحسنلكو في حال انك رجعت زياره دايماً خلي في بالك انهلا تتكبر ع أهل البلد و لا تبدي عدم اعجابك فيها برضو هاي البلد هي اللي كبّرتك و علّمتك و عملتك بني آدملا تشوف حالك ع صحابك و تعرط بسيارتك الجديده و جنطاتها ال18 و السي دي تشينجر و تبدي عدم رضاك عن شوارع عمان اللي ما بتساعد عالسرعه , خصوصاً اذا كانت سياره أبوك لادا سمارالا تعيش في وهم, و تخلي جسدك هوون و عقلك غاد و تستنى الساعه اللي ترجع فيها غاد عشان ترجع لسواليفك القديمه لا تروح عالمطاعم و تفكر كل بنت بتشوفها بتحكي روسي لأنه في بنات كتير بروحوا عالمطاعم عشان الطعام و ليس لحاجات أخرى و دايما تذكرالمسكين اللي بصحى من الفجر عشان يدعيلك في الصلاة و بكل صلاه الله يوفقك يا ابني و ينور لك طريقك و المسكينه اللي بتتنهد و بتدمّع كل ما انجابت سيرتك و بتدعي اليوم اللي تشوفك فيه مره ثانيه واخوانك اللي بستنّوك بالساعه و الدقيقه, مش مشان الهدايا زي ما بتفكر, بس عشان يشوفوك و يتطمنوا عليك و صحابك اللي عشت معهم أحلى أيام عمرك و بتذكروك من أيام ما كنت تريّل و ما بيفكروا في يوم من الأيام انهم يحسدوك أو يغاروا منك زي ما انت حاطط في مخك و في الأول و الأخير و عشان تجنّب حالك كل هالسواليف: لا تنسى ذكر الله

اعذروني لصراحتي, و لكن أقول بما أرى و أتكلم بما أسمع , و لا أخاف في الحق لومة لائم و انها لتذكره علها تنفع المؤمنين